A experiencia que todos recoñecemos
Falas cun amigo de que che gustaría comprar unha bicicleta. Non buscas nada en internet. Só o mencionas nunha conversa. Ao día seguinte, o teu teléfono amósache anuncios de bicicletas. Na rede social. No buscador. Na tenda en liña. En todas partes.
Non é maxia e non é casualidade. É o modelo de negocio de moitos servizos gratuítos en internet. A cambio de non che cobrar diñeiro, o prezo é outro: a túa información. As túas conversas, as túas buscas, os teus hábitos, os teus intereses. Todo iso ten un valor enorme para a industria publicitaria. E funciona extraordinariamente ben. Tanto, que ás veces parece que o teléfono che le o pensamento.
Non hai nada ilegal niso. Son servizos útiles, ben feitos, que millóns de persoas usan cada día con toda a razón do mundo. Pero convén saber cal é o prezo real. Porque cando algo é de balde, o produto es ti.
A proba
Nós propoñemos unha proba sinxela. Elixe un tema do que non falaras nunca con ninguén por internet. Algo concreto e pouco habitual. Un anel de diamantes para a túa parella. Un curso de cetrería. Unha autocaravana. Un telescopio. O que queiras, mentres sexa algo que xamais buscaras, comentaras nin mencionaras en ningún servizo dixital.
Abre un túnel en Solo2 con alguén de confianza e dedicade un bo anaco a falar sobre ese tema. Que a conversa sexa natural e detallada, coma se de verdade estivésedes interesados. Nomes de marcas, modelos, prezos, opinións. Todo o que se vos ocorra.
Despois, pechade Solo2 e agardade. Un día. Tres días. Unha semana. Navegade con normalidade. Abride as vosas redes sociais, o voso buscador, a vosa tenda en liña de sempre. E observade. Buscade entre os anuncios algunha referencia a aquilo do que falastes.
Non a atoparedes.
Por que funciona
Porque en Solo2 as mensaxes viaxan directamente dun dispositivo a outro. Non pasan polo noso servidor. Non se almacenan en ningunha nube. Non se analizan, non se indexan, non se procesan. Nós non temos acceso ao que dicides nun túnel. Ninguén o ten, agás as dúas persoas que están dentro.
Non é unha promesa de márketing. É unha consecuencia de como está construído o sistema. Se as mensaxes non pasan por ningún servidor intermedio, non hai nada que ler. Se non hai nada que ler, non hai datos que vender. Se non hai datos que vender, non hai anuncios que amosar. É así de simple.
A regra de ouro
Iso si: para que a proba sexa válida, hai que ser honesto con un mesmo. Se despois de falar de aneis de diamantes en Solo2 vas e búscalo en Google, ou cóntasllo a alguén por outro servizo de mensaxería, ou navegas por páxinas de xoiería, é natural que aparezan anuncios. Pero iso xa non é cousa de Solo2. O que sae por outra porta, deixa de ser un segredo.
É exactamente o que di o noso nome. Solo2 significa que o que se fala entre dous, queda entre dous. Cando intervén un terceiro, sexa unha persoa, un buscador ou calquera outro servizo, a privacidade depende dese terceiro. Non de nós.
Sen letra pequena
Non pedimos que ninguén nos crea polas nosas palabras. Pedimos que o proben. A proba está ao alcance de calquera persoa cun teléfono e cinco minutos de conversa. Non fai falta saber de tecnoloxía. Non fai falta abrir ningún menú técnico. Non fai falta desconectar nada.
Só falar. Agardar. E observar.
Solo2 é comunicación directa entre dúas persoas. Sen intermediarios. Sen servidores que almacenen as túas mensaxes. Sen letra pequena. A vosa conversa comeza e remata nos vosos dispositivos, en ningún outro sitio.